ياللي سكنت القلب من بد الاجناس

ياللي سكنت القلب من بد الاجناس
ارحم محبك يابعـد كـل ناسـه
وشغيّرك ياطيب القلب والسـاس
اللي يحبك ليه شيبـت راسـه
وينك حبيبي جعلك بخير لابـاس
وين الرسايل والغلا والوناسـه
وينك حبيبي طار عقلي من الراس
وينك عسى الله مايوريك باسـه
دايم تلوعني وانا انسان. حساس
أرحم محبك لاتجيـه انتكاسـه
عقبك حياتي صابها الهم والياس
تبدلت فيهـا السعـاده تعاسـه
مالي بهالدنيا حبيبٍ مـن النـاس
الا انت ياللي شل فكري وحاسه
عزاه ياقلـبٍ أذا الحـب ينـداس
اخلص بحبه وأقرب الناس داسه

مماراق لي مع ارق تحيااااتي